رویداد خبري آژانس په افغانستان کې لومړنۍ دیجټلي خبري آژانس
د هند د غوره ليګ يا ای پي اېل د ۲۰۲۳ کال سيالۍ د هند په ګجرات کې پیل شوې چې د هند ترڅنګ د نړۍ له بېلابېلو هېوادونو په کې ګڼ شمېر لوبغاړي ګډون کوي.
د سږنيو سیالیو په لومړۍ لوبه کې ګجرات ټايټنز لوبډلې چنای سوپر کېنګز ته په ۵ وېکټو ماته ورکړه. د دې لوبې پچه ګجرات وګټله او چنای ته يې د منډو جوړولو بلنه ورکړه. چنای لوبډلې د اوو لوبغاړو په سوځېدو سره د ۱۷۹ منډو هدف وټاکه چې ګجرات لوبډلې د پنځو لوبغاړو په سوځېدو سره په وروستي اور کې بشپړ کړ.
د چنای لپاره روتراجا ګاکواډ ۹۲، معين علي ۲۳، شېوم ډوبې ۱۹، مهېندر سېنګ دهوني ۱۴ او ابتي رايډو ۱۲ منډې وکړې.
د ګجرات لپاره راشد جان، محمد شامي او الزاري جوزېف هر يوه دوه دوه لوبغاړي وسوځول. جاش لېټل بيا د يوې وېکټې په اخيستو بريالی شو.
ه توپ وهنه کې بيا د ګجرات لپاره شوبمن ګېل ۶۳، ويجې شنکر ۲۷، وېرېدمن ساها ۲۵، سای سودرسن ۲۲، راهول تېواتيا ۱۵ او راشد خان ۱۰ منډې جوړې کړې.
د ای پي اېل سږنيو سياليو په لومړۍ لوبه کې راشد خان غوره لوبغاړی شو.
د هند کرېکټ غوره لپګ چې د نړۍ يوه له غوره ليګونو بلل کېږي په ۲۰۰۷ کال پیل شو چې دا یې ۱۶ پړاو دی.
