رویداد خبري آژانس په افغانستان کې لومړنۍ دیجټلي خبري آژانس
د میلټون زورور توپان په ځايي وخت د چهارشنبې په ماښام (د تلې۱۸مه) د امریکا د فلوریډا ایالت سواحلو ته داخل شوی او ورسره تېز بادونه او تېز باران پیل شوي او د اوبو سطحه هم لوړه شوې ده.
د متحدو ایالتونو د توپان ملي مرکز وايي چې میلټون یو خطرناک توپان دی، چې د شپې ۸:۳۰ دقیقې وار دمخه د فلوریډا په لوېدیځ ساحل کې د سییستا ګڼ نفوسه سیمه ځپلې ده.
له توپان مخکې د دغه ایالت والي ران ډي سانټیس په اوسېدونکو غږ کړی و چې چمتو و اوسي. نوموړي د توپان تر رسېدو مخکې وویل «چې اوس ډېر ځنډ شوی او خطرناک دي چې خلک وایستل شي.»
د توپان ملي مرکز ویلي چې فلوریډا د تېز توپان، تندو بادونو او ناببره سېلابونو شاهد دی.
مقامات وايي چې ممکن دا توپان د فلوریډا ګڼ نفوسه لوېدیځه سیمه او د ګلف سواحل وځپي او دا ډار شته چې ګډوډي او تلفات هم زیات شي.
دا به داسې حال کې ده چې دوې اوونۍ وړاندې همدا ایالت د یو بل توپان شاهد و چې د څه باندې سلو کسانو ژوند یې واخیست.
