رویداد خبري آژانس په افغانستان کې لومړنۍ دیجټلي خبري آژانس
په افغانستان د ملګرو ملتونو د پراختیايي پروګرام (UNDP) مسوولانو د افغانستان د روغتیا وزارت له سرپرست، نور جلال جلالي سره په کتنه کې له یاد وزارت سره د همکارۍ خبر ورکړی دی.
په افغانستان کې د ملګرو ملتونو د پراختیايي پروګرام مشر «اسټیفن روډریک» د روغتیا وزارت له سرپرست سره په کتنه کې ویلي چې په روغتیايي مرکزونو کې د لمریزې برېښنا سیسټم جوړولو، له ملاریا، توبرکلوز او ایډز ناروغیو د مخنیوي او نورو روغتیایي خدمتونو په برخه کې به له یاد وزارت سره همکاري وکړي.
بلخوا د روغتیا وزارت سرپرست، نور جلال جلالي هم په لرې پرتو سیمو کې د روغتیایي خدمتونو د زمینو د برابرولو په برخه کې د دې سازمان د پاملرنې غوښتنه کړې ده.
دا په داسې حال کې ده چې یو شمېر مرستندویه بنسټونو د بودیجې د کمښت له امله د افغانستان په ځینو برخو کې د خپلو همکاریو کچه ټیټه کړې ده.
