رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو امنیت شورا په افغانستان کې د روان تاوتریخوالي پر کمولو ټینګار کړی دی.
پرون د جمعې (د زمري ۱۶مه نېټه) په ورځ ناوخته د افغانستان په اړه د ملګرو ملتونو د امنیت شورا ځانګړې غونډه جوړه شوې وه چې دې غونډې ته په ملګرو ملتونو کې د افغانستان دایمي استازي، د افغانستان لپاره د ملګرو ملتونو استازې دیبورا لاینز او د افغانستان د بشري حقونو خپلواک کمیسیون مشرې ویناوې وکړې.
د یوناما مشرې د خپلو خبرو په دوام وویل چې په افغانستان کې وضعیت ورځ تر بلې ترینګلی کېږي او د طالبانو روانې جګړې هره ورځ ملکي وګړو ته مرګ ژوبله اړوي.
د نوموړې په خبره تېره میاشت زر کسه ملکي وګړي پر ښارونو د طالبانو په بریدونو کې وژل شوي دي.
نوموړې د ملګرو ملتونو د امنیت شورا له غړو وغوښتل چې طالبانو ته دې د سولې خبرو کې د پرمختګ په موخه یوه میاشت نور هم وخت ورکړي او تر هغه وروسته دې ددغه ډلې پر مشرانو د سفرونو او تګ راتګ بندیزونه وضع کړي.
