رویداد خبري آژانس په افغانستان کې لومړنۍ دیجټلي خبري آژانس
روسي رسنیو راپور ورکړی چې په مسکو کې د کنسرت پر تالار برید کې ‘په لاس لرلو’ له څلور تورنو کسانو څخه ۲ یې په محکمه کې خپل جرم منلی دی.
د محکمې په بیانیه کې راغلي چې دې دوو کسانو له لومړۍ غونډې وروسته په خپل جرم اعتراف کړی دی.
د راپورونو له مخې، د مسکو محکمې ۳۲ کلن ډالرډژون میرزویف، ۳۰ کلن سیداکرمي رجبعليزاده، ۲۵ کلن شمسالدین فریدنی او ۱۹ کلن محمد صابر فیضوف په دې ډله[1]ییز ترهګریز برید تورن کړي دي.
ویل کېږي چې ښایي د دې جرم تر ټولو زیاته سزا «عمري بند» وي.
د محکمې مسوولین ویلي چې په دې څلورو کسانو کې «میرزویف او رجبعليزاده» په خپل جرم اعتراف کړی دی.
ویل کېږي چې دا تاجکستاني الاصله به د مې میاشتې تر ۲۲مې په لنډمهاله زندان کې وساتل شي.
بلخوا د روسیې ولسمشر، ولادیمیر پوتین وړمه شپه خپلو خلکو ته په خبرو کې ادعا کړې وه چې تورن کسان د اوکراین خوا ته د تښتدلو په حالت کې نیول شوي، خو کیف دا ادعا په کلکه رد کړې ده.
د یادلو ده چې د داعش ډلې دا برید په وروستیو کلونو کې په روسیه کې تر ټولو مرګونی بلل شوی دی.
