رویداد خبري آژانس په افغانستان کې لومړنۍ دیجټلي خبري آژانس
د مخابراتو او معلوماتي ټکنالوجۍ وزارت په تېرو درېیو میاشتو کې په ټول هېواد کې د ۱.۶ میلیونه سیم کارټونو د ثبت خبر ورکړی دی.
د دغه وزارت ویاند، عنایت الله الکوزي (دوشنبې، د تلې ۲۳مه) په یوه پیغام کې ویلي چې د سیمکارټونو د ثبت بهیر په بریالیتوب دوام لري.
د الکوزي په وینا په ټول افغانستان کې ۲۵ میلیونه سیم کارټونه فعال دي، چې له دې جملې څخه شاوخوا ۱۳،۹ میلیونه سیمکارټونه په قانوني توګه ثبت شوي دي.
تر دې مخکې د ا. ا د ټکنالوجۍ او مخابراتو وزارت ویلي وو چې د مخابراتي شبکو لپاره د سیمکارټونو د ثبت بهیر له پیل راهیسې په هېواد کې څه باندې لس میلیونه سیمکارتونه ثبت شوي دي.
د یاد وزارت د شمېرو له مخې، په ټول هېواد کې شاوخوا ۲۳ میلیونه سیمکارټونه وېشل شوي دي.
