رویداد خبري آژانس په افغانستان کې لومړنۍ دیجټلي خبري آژانس
د لبنان عامې روغتیا وزارت (جمعه، د لړم ۱۱مه) ویلي چې د دې هېواد په ختیځ کې د اسراییلو په هوایي بریدونو کې لږ تر لږه ۵۲ کسان وژل شوي دي.
که څه هم چې اسراییلي پوځ ادعا کوي چې هغوی تر هوایي بریدونو وړاندې د سیمې خلکو ته خبرداری ورکوي، خو لبناني چارواکو اعلان کړی، چې د جمعې ورځې د هوایي بریدونو په اړه له وړاندې هېڅ نه و ویل شوي.
د دغه وزارت په اعلامیه کې راغلي چې ۵۲ کسان وژل شوي او ۷۲ نو ټپيان شوي، خو دا یې نه دي ویلي چې وژل شوي او ټپي کسان عام خلک دي که د حزب الله وسله وال.
بلخوا د فلسطین د روغتیا وزارت وایي چې د اسراییلو لخوا د غزې په دیرالبلاح ښار ، نصیرات کمپ، او الزویده ښارګوتي او غزې په جنوب کې د جمعې په بریدونو کې شاوخوا ۶۰کسان وژل شوي او لسکونه نور ټپیان شوي دي.
