رویداد خبري آژانس په افغانستان کې لومړنۍ دیجټلي خبري آژانس
د فرانسې پوهنې وزیر ویلي چې په دولتي ښوونځيو کې د عبایه یا حجاب پر اغوستلو بندیز لګوي.
عبایه پراخې او اوږدې جامې دي چې مسلمانې ښځې یې اغوندي.
د فرانسې پوهنې وزیر ګابرېیل اتال ویلي، دغه قاعده به د سپتمبر پر ۴مه د نوي ښوونیز کال له پیلېدو سره سم پلې شي.
فرانسه په عامه ښوونځيو او دولتي ودانیو کې د مذهبي سمبولونو پر اغوستلو د سخت بندیز اوږده مخینه لري او استدلال یې دا دی چې مذهبي نښې د دغه هېواد له سیکولارو قوانینو سره اړخ نه لګوي.
دغه هېواد له ۲۰۰۴ کال راهیسې په عامه ښوونځيو کې د پړوني پر سرولو هم بندیز لګولی دی.
