رویداد خبري آژانس په افغانستان کې لومړنۍ دیجټلي خبري آژانس
ولیدالمعلم د سوریې د بهرنیو چارو وزیر نن د دوشنبې په سهار (د لړم ۲۶ ) مړ شو.
مشهور او پخوانی دیپلومات او د بهرنیو چارو وزارت اوسنی مشر ولیدالمعلم د ۷۹ کالو په عمر له نړۍ وکوچید.
د ولیدالمعلم د مړینې خبر د سوریې دولتي تلویزیون خپور کړی دی، د معلم د مړینې علت لا روښانه نه دی، خو ویل کیږي چې نوموړی د څو کالو راپدیخوا د زړه په رنځ اخته و.
ښاغلي معلم په سوریه کې د ۲۰۰۶ کال راپدیخوا د بشارالاسد په نظام کې د بهرنیو چارو وزیر و.
راپورنه وايي د سوریې په حکومت کې یوې سرچینې ویلي چې د المعلم مرستیال فیصل مکداد به نوی د بهرنیو چارو وزیر وټاکل شي.
د سوريي بهرنیو چارو وزیر ولیدالمعلم په ۱۹۴۱ م کال کې زیږیدلی و.
