رویداد خبري آژانس په افغانستان کې لومړنۍ دیجټلي خبري آژانس
د علمي، ټولنیزې او کلتوري ودې په برخه کې د ګډو همکاریو د ترسره کولو په موخه د رویداد خبري اژانس او کاردان پوهنتون ترمنځ د رویداد خبري اژانس د مشرتابه پلاوي او د دغه پوهنتون د مسوولینو، استادانو او علمي کدرونو په شتون کې د ۱۴۰۳کال د وږي په ۲۴مه یو هوکړهلیک لاسلیک شو.
د دې هوکړهلیک موخه د اکاډمیک چاپیریال او پوهنتون په منځ کې د انګېزې او هیلو پیدا کول، نوښتونو او ابتکاراتو ته د محصلینو د هڅولو او د استادانو او محصلینو د علمي لاسته راوړنو او څړنیزو پروژو معرفي او روښانه کول دي.
د دې همکارۍ اصلي موخه د بریالیو کیسو جوړول (success story)، د پوهنتون د نامتو استادانو او محصلینو لخوا د ترسره شويو علمي او مسلکي نوښتونو مستند کول او خپرول دي.
هيله ده چې دغه همکاري په هېواد کې د علم او پوهې د ودې او د ځوان نسل د هڅونې له لارې په پوهنتونونو کې د نوښت او ابتکار د فرهنګ د پياوړتیا لامل شي.
کابل، د ۱۴۰۳ کال د وږي ۲۴مه
