رویداد خبري آژانس په افغانستان کې لومړنۍ دیجټلي خبري آژانس
په افغانستان کې د خوړو نړیوال پروګرام مسوولین وايي چې هره میاشت شپږ میلیونه افغانان خوراکي توکي او نغدې پیسې ترلاسه کوي.
د خوړو نړیوال پروګرام ویلي، چې یادې مرستې د امریکا، جاپان، کاناډا، فنلنډ او سویډن په مالي مرسته برابرېږي.
تر دې مخکې ملګرو ملتونو اعلان کړی و چې سږ کال به په افغانستان کې ۲۳٫۷ میلیونه کسان بشري مرستو ته اړتیا ولري.
د دې سازمان په وینا، په افغانستان کې به شاوخوا ۱۵٫۸ میلیونه وګړي د خوراکي توکو د نه خوندیتوب له بحران او بېړنۍ کچې سره مخ شي.
د ملګرو ملتونو د بشري چارو د همغږۍ دفتر د دې خلکو د اړتیاوو د پوره کولو لپاره د ۳٫۰۶ میلیارد ډالرو مرستې غوښتنه کړې وه.
