رویداد خبري آژانس په افغانستان کې لومړنۍ دیجټلي خبري آژانس
د ننګرهار مسوولان وایي چې د تورخم لاره له څلور ورځني ځنډ وروسته د مسافرانو د تګ راتګ او د باربري موټرو پرمخ خلاصه شوې ده.
د ننګرهار د امنیه قومندانۍ ویاند، عبدالبصیر زابلي ویلي چې دا لاره نن ( پنجشنبې، د زمري ۲۵مه) د سهار ۸:۰۰ بجې د هر ډول تګ راتګ پر مخ خلاصه شوې ده.
زابلي زیاته کړې ده دا پوله د پاکستاني چارواکو او د تورخم کمیسار، عبدالجبار حکمت له خبرو وروسته خلاصه شوې ده.
یاده لاره څلور ورځې وړاندې د پاکستاني او ا.ا د ځواکونو ترمنځ د برید له امله بنده شوې ده، د ا.ا مسوولینو ویلي چې پاکستان دا لاره بنده کړې وه.
د تورخم لاره د هېواد له لویو لارو څخه ده خو په هېواد کې له سیاسي بدلونونو وروسته څو ځله د پاکستاني او ا.ا پوله ساتونکو د نښتې له امله بنده شوې ده.
