رویداد خبري آژانس په افغانستان کې لومړنۍ دیجټلي خبري آژانس
ترکيې د روان کال د جون له لومړۍ نېټې څخه له افغانستان سره د ډيپلوماتيکو ويزو د معافيت تړون وځنډاوه.
ترکي رسنیو خبر ورکړی، چې دا پرېکړه به د ترکیې د ولسمشر رجب طیب اردوغان د امر پر بنسټ د روان کال د جون له لومړۍ نېټې عملي شي.
د دغه امر له مخې، هغه کسان چې د افغانستان او ترکیې سیاسي پاسپورټونه لري، دغو هېوادونو ته د سفر لپاره ویزې ته اړتیا لري.
د ویلو ده، چې یاد تړون په ۲۰۰۸ کال کې د افغانستان او ترکیې ترمنځ لاسلیک شوی و.
د راپورونو له مخې، د دغه تړون ځنډول به افغانستان ته د ترکیې د کډوالو د چارو د ادارې د یوه پلاوي تر سفر لږ وروسته وشي.
دغه پلاوي د روانې مياشتې په پيل کې افغانستان ته سفر وکړ او د ا.ا له چارواکو سره يې ترکيې ته د افغانانو د غیر قانوني کډوالۍ او د غیر قانوني کډوالو او پناه غوښتونکو د ایستلو په اړه خبرې وکړې.
