رویداد خبري آژانس په افغانستان کې لومړنۍ دیجټلي خبري آژانس
وسله والو طالبانو د تخار په خواجه بهاوالدین ولسوالۍ کې ۱۴ افغان سرتېري وژلي دي. د راپورونو له مخې طالبانو تېره شپه په یاده ولسوالۍ کې پر ځايي پولیسو او پاڅونوالو برید کړی دی او دې جګړې دوه نیم ساعته ادامه کړې ده.
راپورونه وایي چې طالبانو په دې برید کې له پرمختللو وسلو استفاده کړې ده،
یو سرحدي پولیس او دیارلس پاڅونوال یې وژلي او څلور نور یې ټپیان کړي دي.
د تخار د والي ویاند جواد هجري وایي سیمې ته مرستندویه ځواکونه هم رسېدلي دي خو طالبانو په جګړه کې له لایزري او پرمختللو وسلو استفاده کړې ده چې له امله یې ډېر تلفات اوښتي دي.
نوموړی په سیمه کې د چاڼیزو عملیاتو د پيلېدو خبر هم ورکوي.
