رویداد خبري آژانس په افغانستان کې لومړنۍ دیجټلي خبري آژانس
پولنډ له بلاروس سره پر پوله دې هېواد ته د ګډوالو له ور اوښتو د مخنيوي په موخه د سرتېرو شمېر زيات کړی دی او دا مهال په د دواړو هېوادونو ترمنخ ۲ زره ګډوال چې غواړي پولنډ ته واوړي، په پوله کې بند پاتې دي.
ځينو نړيوالو رسنيو راپور ورکړی چې په يادو کډوالو کې يو شمېر يې افغان وګړي دي. بيبيسي که څه هم په دې اړه دا نه ويلي چې په يادو کډوالو کې په کوم شمېر افغان وګړي موجود دي، خو کښلي يې دي چې دا افغان وګړي هم د پولنډ او بلاروس ترمنځ پوله کې بند پاتې دي.
پولنډ د کډوالو په قضيه کې بلاروس ګرموي چې غواړي له خپلو پولو کډوال د پولنډ خواته ور تېر کړي، خو بلاروس بيا پولنډ تورنوي چې ځواکونه يې له کډوالو سره تاوتريخوالی کوي.
پولنډ دغه راز په ياده مسئله کې د روسيې ولسمشر ولاديمير پوتين هم تورن کړی چې ګواکې اروپا ته د بلاروس له لارې د کډوالو د ور تېرېدو په تړاو هڅې دکتې کوي.
