رویداد خبري آژانس په افغانستان کې لومړنۍ دیجټلي خبري آژانس
بنګلدیشي علماوو په افغانستان کې روانه جګړه ناروا بللې ده
د بنګله دیش په پلازمینه داکه کې د افغانستان سفارت په خپره کړې اعلامیه کې ویلي چې،ددغه هېواد مخکښو علماوو له افغان حکومت او طالبانو غوښتي چې د روانې ناروا جګړې د پای لپاره دې ګامونه اوچت کړي.
دوی ویلي چې په افغانستان کې روانه جګړه ناروا او ورور وژنه ده.
دغه دیني علماوو همدا راز ویلي چې ځانمرګي بریدونه دې ودرول شي او ښکېلې خواوې دې ان دداسې کلماتو له کارولو ډده وکړي چې د جګړو د شدت او تاوتریخوالي سبب ګرځي.
بنګلدیشي علماوو د سولې په برخه کې د هڅو پر چټکتیا ټینګار کړی دی.
تر دې وړاندې هم ګڼو نړیوالو دیني او مذهبي بنسټونو په افغانستان کې اوسنۍ جګړه ناروا بللې او د پای ته رسېدو غوښتنه یې کړې ده.
