رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې نن دوشنبه د (وږي په ۲۸مه) د برېتانيې د ملکې اليزابت دويمې د جنازې مراسم د يو لړ دولتي رسمي مراسمو په ترڅ کې ترسره شي.
دغه مراسم چې پر ټلوېزونونو به هم ښودل کېږي، په ځايي وخت سهار مهال ۱۱بجې د لندن اړوند په ويسټ منسټر ابي کې ترسره شي او کابو ۲زره کسان به په کې ګډون وکړي.
د جنازې تابوت د لېږدولو پرمهال به سلګونه زره کسان له ملکې سره د تل لپاره د خدای په امانۍ په موخه د لندن په واټونو کې ولاړ وي.
د ملکي اليزابت دويمې د جنازې دې مراسمو ته د ګڼو هېوادونو مشران او د شاهي کورنيو غړي له پرون راهيسې لندن ته رسيدلي دي. د نوموړې د جنازې مراسمو له امله په برېتانيې کې عمومي رخصتي اعلان شوې ده.
