رویداد خبري آژانس په افغانستان کې لومړنۍ دیجټلي خبري آژانس
پاکستاني رسنیو خبر ورکړی چې د بلوچستان ایالت اړوند په «واشک» سرحدي ولسوالۍ کې د ایراني پولهساتو په ډزو څلور پاکستانیان وژل شوي دي.
د ډان پاکستاني ورځپانې د خبر له مخې چې دا ډزې چهارشنبې (غبرګولي ۹مه) شوې چې له امله یې دوه نور پاکستاني اتباع ټپیان شوي هم دي.
دې رسنۍ د یو پاکستاني چارواکي په حواله لیکلي چې وژل شوي کسان په سرحدي سیمه د پاکستان په خاوره کې و او ایراني ځواکونو له پولې پرې ډزې کړې دي.
بلخوا د پاکستان یو سرحدي چارواکي ډان ورځپاڼې ته ویلي چې وژل شویو او ټپیانو له ایران څخه د نفتو په قاچاق کې لاس درلود.
په ټپیانو کې یو کس رسنیو ته ویلي چې دوی د نفتو یوې محمولې ته په تمه وو چې د ایراني ځواکونو لخوا پرې ډزې وشوې.
هغه ویلي چې په دې ډزو کې د څلور ایرانیانو په ګډون اته کسان وژل شوي او ایراني ځواکونو د خپلو اتباعو جسدونه له ځان سره وړي دي.
د یادولو ده چې ایراني او پاکستاني سرحدي چارواکو تر اوسه د دې پېښې په اړه څه نه دي ویلي.
