رویداد خبري آژانس په افغانستان کې لومړنۍ دیجټلي خبري آژانس
د نړيوالو رسنيو د راپورونو له مخې، له پرون راهيسي تر نن دوشنبې د اروپا تر ټولو لويې اټومي بټۍ چې په اوکراين کې موقعيت لري، له لسو ډېرې چاودنې شوي دي.
دا بټۍ چې دامهال د روسي ځواکونو تر کنټرول لاندې ده، پرې د توپونو د بريدونو په پايله کې پرون او وړمه ورځ ۱۲ چاودنې شوي دي.
دا چاودنې د اټومي انرژۍ د نړيوال ادارې له توند غبرګون سره مخ شوي او له امله يې د خطرناکو عواقبو د پېښېدو خبرداری ورکړی دی.
د اټومي انرژۍ د نړيوالې ادارې رئيس رافيل ګروسي ويلي، چې پر زاپوريژيا اټومي بټۍ دا ډول بريدونه ناورين رامنځته کوي او په جدي توګه يې خبرداری ورکړی، چې له اور سره مخه لوبېږئ.
د دې بريدونو په اړه روسيه او اوکراين دواړه يو بل تورنوي. موده وړاندې اوکراين تور پورې کړ چې روسي ځواکونو پر زاپوريژيا اټومي بټۍ ډزې کړې؛ خو روسيې بيا ويلي، چې دا کار په خپله اوکرايني ځواکونه کوي او پر زاپوريژيا بريدونه د فشار وسيلې په توګه کاروي.
