رویداد خبري آژانس په افغانستان کې لومړنۍ دیجټلي خبري آژانس
د افغانستان د اوبو چارو د تنظیم ملي اداره وایي، چې په زابل ولایت کې د اوبو او برېښنا څلور بندونه په لاره اچول شوي چې ډېر ژر به یې د جوړولو چارې پیل شي.
دغه ادارې پرون د چهارشنبې په ورځ (دچنګاښ ۱۶مه نېټه) په یوه خپره شوې اعلامیه کې راغلي چې د دې بندونو د جوړولو تړونونه د ملي پراختیا له شرکت سره لاسلیک شوي دي چې پردې بندونو به دوه میلیارډه افغانۍ لګښت راشي.
په اعلامیه کې راغلي چې د دې بندونو په جوړولو سره به په ټولیزه توګه ۲۱ میلیونه متره مکعب اوبه مدیریت کیږي، چې په حدود د ۵۳۶۲ هکټاره کرنیزه ځمکه خړوبوي، چې د درې اعشاریه څلور پنځوس مېګاواټه برېښنا د تولید ظرفیت لري او په زرګونه هېوادوالو ته به د کار زمینه برابره شي.
