رویداد خبري آژانس په افغانستان کې لومړنۍ دیجټلي خبري آژانس
امریکا یو ځل بیا ټینګار کړی چې ایران ته به د اټومي وسلو د لرلو اجازه ور نه کړي.
د امریکا د متحدو ایالتونو ولسمشر جو بایډن د اسراییلو له ولسمشر سره د لیدنې پر مهال ویلي چې دده د واکمنۍ پر مهال به ایران ته د اټومي وسلو د لرلو اجازه ور نه کړي.
جو بایډن یو ځل بیا ټینګار کړی چې له اسراییلو به خپل ملاتړ ته ادامه ورکوي او له ایران سره هڅه کېږي چې خبرې یوې پایلې ته ورسېږي خو هېڅکله به دغه هېواد ته د اټومي وسلو د لرلو اجازه ور نه کړل شي.
بایډن همدا راز ویلي د ایران له ملاتړه د برخمنو وسله والو پر هغو مرکزونو د بریدونو حق لري چې په نورو هېوادونو کې لاسوهنه او جګړې کوي.
د نوموړي په وینا په دې تړاو د هر ډول واک څښتن دی او له دې واکونو به اغېزناکه استفاده کوي.
