رویداد خبري آژانس په افغانستان کې لومړنۍ دیجټلي خبري آژانس
د امریکا پخواني ولسمشر بارک اوباما او مېرمن یې میشل اوباما د راتلونکو ولسمشریزو ټاکنو لپاره د ډیموکراټ ګوند نوماندې په توګه د کاملا هریس څخه خپل ملاتړ اعلان کړی دی.
پر ټولنیزو رسنیو یوه ویډیو خپره شوې چې پکې ښودل کېږي اوباما او مېرمن یې د ملاتړ څرګندونه د یوې غونډې په ترڅ کې د کاملا هریس سره په ټیلفوني خبرو کې کړې ده.
.
اوباما د ټلېفوني اړیکې له لارې هیرس ته ویلي چې پرې ویاړي او دغه راز ډاډ یې ورکړی هڅه به وکړي چې له هغې سره د ټاکنو په ګټلو کې مرسته وکړي.
اوباما د کاملا هریس نوماندېدل تاریخي بللي او د هغې د بریا هیله یې څرګنده کړې ده.
په ورته مهال کې د ډیموکراټ ګوند احتمالي نوماندې هریس د اوباما او د هغه د مېرمنې له ملاتړ څخه د خوښۍ څرګندولو تر څنګ له هغوی د همکارۍ غوښتنه کړې ده.
له دې یوه اوونۍ وړاندې د امریکا اوسني ولسمشر جو بایډن او د سنا او استازو په مجلسونو کې مهمو ډیموکراټانو د مېرمن هریس له نوماندېدلو څخه ملاتړ کړی وو.
