رویداد خبري آژانس په افغانستان کې لومړنۍ دیجټلي خبري آژانس
د المان پولیس وایي پرون جمعه (د وږي په ۲مه) د المان په «سولینگن» ښار کې د یوې جشنوارې پر مهال د برید له امله درې کسان وژل شوي او څلور نور ټپیان دي.
امریکا غږ راپور ورکړی چې بریدګر تښتېدلی او پولیسو تر اوسه د دې پېښې اړوند څوک نه دي نیولي.
په راپور کې راغلي: “بریدګر د چاقو په واسطه په خلکو برید کړی. مسوولین او د دې جشنوارې ترسره کوونکو له خلکو غوښتي چې د ښار مرکز «سولینگن» پرېږدي.”
د راپورونو له مخې، دا «متفاوته جشنواره» د ښار د جوړښت د ۶۵۰مې کلیزې په مناسبت د جمعې په ورځ پیل او ټاکل شوې وه چې تر راتلونکې یکشنبې به دوام وکړي او د جاذبې ښار په مرکزي سړکونو کې ژوندۍ موسیقي، نڅا او اکروباتیک نندارتونونه وړاندې کېدل.
تر اوسه د دغه برید مسوولیت کوم کس یا کومې ډلې نه دی منلی.
