رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې د کرکټ شل اووريز نړيوال جام د لوبو په ترڅ کې نن يکشنبه د (لړم په ۱۶مه) د افغانستان کرکټ ملي لوبډله د نيوزېلنډ لوبډلې پر وړاندې د لوبې ډګر ته ووځي.
نن د افغانستان او نيوزېلنډ لوبډلې هڅه کوي چې له يوه او بل څخه نننۍ سيالي په لوی توپير وګټي، څو د نړيوال جام نيمه پايلوبې ته نسبي لار ومومي.
د لوبډلو په دې لومړي ګروپ کې پاکستان د څلورو لوبو په ګټلو سره ۸ امتيازونه لري او د ګروپ په سر کې يې ځای خپل کړی. نيوزېلنډ د ۶ امتيازونو په لرلو سره دويم خو افغانستان او هند بيا ۴ امتيازونه لري چې د ګروپ په جدول کې يو بل پسې درېيم او څلورم ځای لري.
د افغانستان او نيوزېلنډ ملي لوبډلو ترمنځ نننۍ سيالي ټاکل شوې نن ماسپښين دوې نيمې بجې پيل شي.
