رویداد خبري آژانس په افغانستان کې لومړنۍ دیجټلي خبري آژانس
د افغانستان د بانک مسوولان وايي چې، د افغانيو د ارزښت ساتلو په موخه به سبا(دوشنبه،۱۹ د لېندۍ) ۱۶ میلیونه امریکايي ډالر د لیلام په توګه بازار ته وړاندې کړي.
یاد بانک نن(یک شنبه،۱۸د لېندۍ)د یوې خبرپاڼې په خپرولو سره له سوداګریزو بانکونو او د صرافۍ او د پولي خدمتونو له شرکتونو څخه چې په شرایطو برابر وي، غوښتنه کوي، څو په دې داوطلبۍ کې ګډون وکړي.
دا په داسې حال کې ده چې په دې وروستیو څو ورځو کې د ډالرو پر وړاندې د افغانیو ارزښت مخ په ټیټیدو دي او دا مهال د کابل د اسعارو په بازار کې د یو ډالر بیه ۷۰.۱۰ افغانۍ ده.
د افغانستان بانک له دې وړاندې هم د افغانیو ارزښت ساتنې او ثبات لپاره میلیونونه ډالر د داوطلبۍ له لارې د لیلام په توګه بازار ته وړاندې کړي دي.
