رویداد خبري آژانس په افغانستان کې لومړنۍ دیجټلي خبري آژانس
د لومړي ځل لپاره د افغانستان د ګرانبیه ډبرو قطار د ایران له لارې ترکیې ته رسېدلی دی.
ایراني رسنیو خبر ورکړی چې د افغانستان د سوداګریزو توکو دا قطار د دې هېواد له لارې ترکیې ته رسېدلی دی.
د سرچینې په وینا، دغه قطار د روزنک له لارې ایران ته دننه شوی او له ۴۰ ورځو وروسته ترکیې ته رسېدلی دی.
له دې راپورونو وړاندې د افغانستان د سوداګریزو توکو قطار چې ترکیې ته د حرکت په حال کې و، د بندېدو خبر یې د ایران لخوا خپور شوی و.
ویل شوي چې دغه قطار د افغانستان ۱۱۰۰ ټنه ګرانبیه ډبرې ترکیې ته لېږدولې دي.
د ویلو ده چې د سوداګریزو او صنعت وزارت له دې وړاندې ویلي وو چې د هرات – خواف له رېل پټلۍ څخه به ایران او ترکیې ته د سوداګریزو توکو د صادراتو او وارېداتو په برخه کې ګټه واخیستل شي.
