رویداد خبري آژانس په افغانستان کې لومړنۍ دیجټلي خبري آژانس
د ۲۰۲۴ کال د فوټسال نړیوال جام سیالیو په لړ کې د افغانستان فوټسال ملي لوبډله د خپلې دویمې لوبې په موخه سبا (چهارشنبي، د وږي ۲۸مه) له «ارجنټاین» سره مخامخ کېږي.
افغانستان په خپله لومړۍ لوبه کې «انګولا» ته ۶ د ۴ په وړاندې ماتې ورکړه او ارجنټاین هم د اوکراین په وړاندې ۷ – ۱ بریا لري.
دا لومړی ځل دی چې افغانستان د فوټسال نړیوال جام ته لاره پیدا کوي او یوه بریا هم په خپل نوم کوي.
افغانستان او اوکراین، دغه راز ارجنټاین او انګولا به د وږي ۳۱مه لوبه کوي.
د یادونې ده، چې فوټسال نړیوال جام سیالۍ به د اوزبکستان په کوربهتوب پیل او د لومړي ځل لپاره په منځنۍ اسیا کې ترسره کېږي.
