رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ بورډ وايي، د کرکټ ملي لوبډله نن شپه د پاکستان پر وړاندې خپلې دویمې نړیوالې شل اوریزه لوبې ته پوره چمتووالی لري.
ټاکل شوې دواړه لوبډلې، نن شپه د کابل پر وخت اته نیمې بجې د شارجې د کرکټ په نړیوال میدان کې سره لوبه وکړي.
افغانستان او پاکستان به سبا دوشنبه خپله درېیمه او وروستۍ لوبه وکړي. که افغانستان یوه بله لوبه هم وګټي، د دې لوبلړۍ ګټونکی اعلانېږي.
افغانستان د جمعې په ورځ خپله لومړۍ لوبه په شپږو ویکټو سره وګټله. دا په یوه نړیواله لوبه کې د پاکستان پر وړاندې د افغانستان لومړۍ بریا وه چې تاریخي ګڼل کېږي.
