رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې د افغانستان کرکټ ملي لوبډله د شل اووريزو سياليو د روانې لوبلړۍ وروستۍ لوبه هم د زيمبابوې له لوبډلې سره ترسره کړي.
افغان لوبډلې له دې وړاندې د زيمبابوې له لوبډلې سره درې يو ورځنۍ او دوې شل اووريزې لوبې ګټلي دي او د افغان لوبډلې له لوري د وروستۍ لوبې په ګټلو سره به چې نن ټاکل شوې ترسره شي، د زيمبابوې لوبډله (کلين واش) شي.
د کرکټ بورډ مسوولانو ډاډ ورکړی چې افغان لوبډله له روحي پلوه پياوړې ده او له زيمبابوې څخه به نننۍ لوبه هم په ښه توپير وګټي.
ټاکل شوې چې د افغانستان او زيمبابوې ترمنځ د شل اوورونو لوبلړۍ وروستۍ لوبه، نن ماسپښين ۳ بجې او ۴۵ دقيقې پيل شي.
