رویداد خبري آژانس په افغانستان کې لومړنۍ دیجټلي خبري آژانس
د افغانستان په اړه د اسلامي همکاريو سازمان غونډه کې چې پرون يکشنبه د (لېندۍ په ۲۸مه) تر ناوخت يې د پاکستان په پلازمېنه اسلامباد کې دوام درلود، پرېکړه شوې چې د افغانستان لپاره دې د بشري مرستو رسولو په موخه يو مالي صندوق رامنځته شي.
د ياد سازمان د پرېکړې له مخې، دغه مالي صندوق به د اسلامي نړيوال پراختيايي بانک تر څار لاندې جوړ او فعاليت وکړي.
د اسلامي همکاريو سازمان تر اوسه دا نه ده واضيح کړې چې ياد صندوق ته به د افغانستان بشري وضعيت د مهارولو په موخه څومره بوديجه ورکړل شي؟
د ياد سازمان غړيو ويلي چې د افغانستان بشري وضعيت ښهوالي لپاره، د ځانګړي مالي صندوق رامنځته کول ګټور دي او دغه صندوق به د افغانستان بشري ستونزې تر يوه بريده راکمې کړي.
