رویداد خبري آژانس په افغانستان کې لومړنۍ دیجټلي خبري آژانس
د اسراییلو او ایران ترمنځ له کړکېچ سره هممهاله د امریکا ولسمشر، جو بایډن له ایران څخه غوښتي چې د اسراییلو پر وړاندې له هر ډول نظامي برید څخه ډډه وکړي.
بایډن دا څرګندونې پرون (شنبې، د زمري ۲۰مه) په دلاور ایالت کې له کلیسا څخه د وتلو پرمهال کړې دي.
هغه ويډیو چې په امریکایي رسنیو کې خپره شوې، یو خبریال له بایډن څخه پوښتنه کوي: «ایران ته څه پیغام لرئ؟» بایډن په ځواب کې وایي: «نه دې ترسره کوي.»
دا څرګندونې په داسې حال کې شوې چې د ایران او اسراییلو ترمنځ کړکېچ مخ په زیاتېدو دی.
ایران د حماس د سیاسي دفتر مشر، اسماعیل هنیه د وژل کېدو په غبرګون کې اسراییلو ته خبرداری ورکړی چې پر دوی به غچ اخیستونکي بریدونه وکړي.
بلخوا د امریکا مرکزي قوماندانۍ (سنتکام) هم په دې وروستیو کې د منځني ختیځ په یوه اډه کې د F-۲۲رادار سیسټم او مهماتو د ځای پرځای کولو اعلان کړی، چې په سیمه کې د تاوتریخوالي د زیاتوالي په اړه اندېښنې راپورته کوي.
