رویداد خبري آژانس په افغانستان کې لومړنۍ دیجټلي خبري آژانس
د اروپایي ټولنې مشران به خپله سرمشریزه کې چې نن پنجشنبه (د چنګاښ ۳مه نېټه) پیلېږي او دو ورځې به دوام وکړي. له روسیې سره د اړیکو د پاللو په اړه پر نوي ستراتیژي او د هنګري د همجنسپالانو او نورو جنسیتي اقلیتونو د نوي لانجمن قانون په اړه خبرې وکړي.
د اروپايي ټولنې مشران به پر دې مسالې چې ایا د نوې ستراتیژۍ په چوکاټ کې د روسیې له ولسمشر ولادمیر پوتین سره یوه غونډه را وبولي او که نه، هم خبرې وکړي.
دغه وړاندیز د فرانسې او جرمنې استازیو په وروستۍ شېبه کې دغې سرمشریزې ته د یوې احمتالي حل لارې په توګه وړاندې کړ چې که دا غونډه وکولای شي له روسیې سره د دې ټولنې اړیکې چې د لا خرابېدو پر خوا روانې دې، ورغوي.
خو یو شمېر اروپایي ډیپلوماتانو ویلي چې تر هر ډول یوې غونډې مخکې باید په اړیکو کې پرمختګ شوی وي او د دې ټولنې په تېره بیا د ختیځې اروپا یو شمېر غړي بیا له کرملین سره خبرو ته اندېښنه لري.
