رویداد خبري آژانس په افغانستان کې لومړنۍ دیجټلي خبري آژانس
د دوولس هېوادونو د بهرنیو چارو وزیرانو په افغانستان د کار او زدهکړو په برخه کې پر ښځو او نجونو لګېدلو محدودیتونو ته اندېښنه ښودلې او له ا.ا یې غوښتي چې په دې اړه پخپلو پرېکړو بیا سره کتنه وکړي.
د البانیا، اندور، بلجیم، کاناډا، فرانسه، المان، بلغاریا، کوسوو، لیختن اشتاین، منګولیا، هالنډ، او رومانیا د مونیخ په امنیتي کنفرانس کې پرون شنبه د سلواغې ۲۸مه په یوه اعلامیه کې ویلي چې د ا.ا سیاسي پرېکړو د افغانستان نیم نفوس له خطر سره مخ کوي.
هغوی له ا.ا غوښتي چې نړیوال په ځانګړې توګه بشري حقونه رعایت کړي او ښځو او نجونو ته د کار او زدهکړو اجازه ورکړي.
د یادو هېوادونو د بهرنیو چارو وزیرانو ټینګار کړی چې په نړیوالو ژمنو د ا.ا د مسوولانو پابندي له نړیوالو نظام سره د افغانستان د یوځای کولو له اصلي اړتیاوو څخه دي.
بلخوا د ا.ا مسوولانو بیا بیا ویلي چې د مناسب چاپېریال په رامنځته کولو سره به نجونو او ښځو ته د کار او زدهکړو اجازه ورکړي.
