رویداد خبري آژانس په افغانستان کې لومړنۍ دیجټلي خبري آژانس
د افغانستان د ملي دفاع وزارت وایي، چې افغان ځواکونو د نیمروز ولایت په “خاشرود” ولسوالۍ کې د وسله والو طالبانو پر یوه زندان عملیات ترسره کړي.
د دغه وزارت له لوري په یوه خپره شوې اعلامیه کې راغلي، چې د افغان ځواکونو د عملیاتو په پایله کې ۱۷ د ملي اردو ځواکونه او ۳ ملي پولیس ځواکونه آزاد شوي دي.
د دفاع وزارت په اعلامیه کې دغه راز راغلي، چې د افغان ځواکونو په دغو عملیاتو کې د وسله والو طالبانو د یوه مهم قومندان “مولوي بشیر” په ګډون ۷ طالبان هم وژل شوي دي.
