رویداد خبري آژانس په افغانستان کې لومړنۍ دیجټلي خبري آژانس
د افغان سولې لپاره د امریکا ځانګړی استازی وایي په افغانستان کې هدفي وژنې دېرې شوې او باید ودرول شي، نوموړي وویل دغه ډول حالات د سولې بهر ګواښي.
زلمي خلیلزاد په خپل ټویټر کې په افغانستان کې وروستي هدفي بریدونو په غندلو سره لیکلي پر خبریالانو، د څرخي پله پر ډاکټرانو، پر یوسف رشید او د ښځو د حقونو پر فعالې فرشته کوهستانۍ بریدونه غندو او د دغه ترهګریزو بریدونو تر شا کسانو سره باید حساب وشي.
د هېواد په پلازمینه کې وروستي بریدونه د افغان چارواکو سربیره ناټو او ملګري ملتونه هم غندلي دي.
پر خبریالانو او د مدني ټولنو پر فعالانو د بریدونو مسولیت تر اوسه چا نه دی منلی.
ویل کیږي یو ډول ویره شته چې ګني دغه ډول بریدونه د افغان حکومت او طالبانو ترمنځ د دویم پړاو خبرو د پیلیدو پر وړاندې خنډ رامنځته کوي.
خلیلزاد په ټویټر کې پر اوربند هم ټینګار کړی دی.
پر خبریالانو او مدني فعالانو بریدونه دوی اندیښمن کړي، یو شمېر خبریالان له حکومته د خپل امنیت د خوندیتوب غوښتنه کوي.
