رویداد خبري آژانس په افغانستان کې لومړنۍ دیجټلي خبري آژانس
د نیویارک ټایمز مشهور کالم لیکونکی او تجربه لرونکی خبریال توماس فریدمن وایي، امریکا کې تر ټاکنو وروسته د کورنۍ جګړې احتمال خورا لوړ دی.
نیویارک ټایمز د سي ان ان په حواله د نوموړي له قوله ویلي، وروسته تر هغه چې ټرمپ وویل، راتلونکو ټاکنو کې د ناکامېدو په صورت کې د واک د سولهییز لېږد ضمانت نه شي کولی، اندېښمن شوی دی، ځکه دده په خبره، دا په امریکا کې د کورنیو جګړو پیل احتمال پیاوړی کوي.
هغه زیاته کړې، ده په ډېرو هېوادونو کې د کورنیو جګړو عوامل څېړلي او دې نتیجې ته رسېدلی دی چې په ډېریو هېوادونو کې کورنۍ جګړې د سیاسي کشمکشونو زېږنده دي.
نوموړي د دې پوښتنې په ځواب کې چې امریکا هم له ورته وضعیت سره مخ ده وویل، له بده مرغه باید ووایي چې امریکا کې وروستیو ګډوډیو ته په کتو دا احتمال ډېر لوړ دی.
