رویداد خبري آژانس په افغانستان کې لومړنۍ دیجټلي خبري آژانس
د کندهار والي حیات الله حیات په مشري د ولایت اداري غونډې پرېکړه کړې، چې راتلونکې اوونۍ دې په ټولو دولتي ادارو کې د جمهور رئیس محمداشرف غني د انځور تر څنګ د لوی امپراتور احمدشاه بابا عکس هم وځړول شي.
د کندهار والي ویلي، دغه کار یې لوی امپراتور احمد شاه بابا او د هېواد تاریخي ویاړونو ته د درناوی په پار کړی، ځکه احمدشاه بابا د معاصر افغانستان بنسټګر دی او د ټولو افغانانو ویاړ دی.
هغه زیاته کړې، د هیچا لخوا په هېڅ ډول د هېواد تاریخ ته سپکاوي کوی د منلو وړ نه دی.
تر دې وړاندې د ولسي جرگې لومړي نایب محمدمیرزا کټوازي، یو شمېر وکیلانو او ځینې نورو دولتي مسوولینو په خپلو کاري دفترونو کې د احمدشاه بابا انځور ځړولی و او ویلي یې دي چې دغه لړۍ به دوام ولري.
