رویداد خبري آژانس په افغانستان کې لومړنۍ دیجټلي خبري آژانس
د حزب اسلامي مشر ګلبدین حکمتیار د واک له انتقال کېدو پرته د سولې ټینګښت او اوربند ناممکن وباله.
حکمتیار وايي چې له اوربند پرته نوي حکومت ته د واک انتقال ممکن نه دی او نه هم دا چاره عملي ده.
هغه وايي، چې طالبان هم په دې شرط اوربند مني چې نوي او همه شموله حکومت ته د واک انتقال تضمین شي.
د حزب اسلامي مشر د سولې په اړه د حکومت اوسنۍ طرحه د بهرنیانو د فشار نتیجه بولي او وايي، چې په دې طرحه کې هم په لوی لاس مغالطه شوې.
حکمتیار وايي په دې طرحه کې د سولې پروسې د تخریب او د جنګ د دوام هڅه شوې.
ګلبدین حکمتیار وايي، چې د حزب اسلامي پلویانو تر کابل وروسته په ننګرهار او هرات ولایتونو کې پراخې غونډې کړې او که د دوی غوښتنې ونه منل شي ښايي د حکومت پر وړاندې ملي پاڅون پيل شي.
