رویداد خبري آژانس په افغانستان کې لومړنۍ دیجټلي خبري آژانس
په هغو برمته شویو کې چې ټاکل شوې حماس به یې نن خوشې کړي، څلور ښځینه اسراییلي سرتېرې هم شاملې دي.
د برمته شویو د کورنیو استازو د مدافع وکیلانو یوې ډلې پرون جمعه دا خبر ورکړی او حماس د دې برمته شویو نومونه هم پرون خپاره کړي دي.
د ویلو ده چې د اسراییلو او حماس ترمنځ د اوربند د موافقې له مخې د غزې جګړه به د شپږو اونیو لپاره بندیږي او په دې ترڅ کې به حماس لسګونه اسراییلي برمته شوي او اسراییل به سلګونه فلسطیني اسیران خوشې کوي او ورته مهال کې به غزې ته د بشري مرستو رسول دوام کوي.
دا په داسې حال کې ده چې د اسراییلو او حماس ترمنځ د اسیرانو لومړۍ تبادله تېره یکشنبې وشوه چې په ترڅ کې یې ۳ اسراییلي برمته شوي د ۹۰ فلسطیني بندیانو په بدل کې خوشې شول.
