رویداد خبري آژانس په افغانستان کې لومړنۍ دیجټلي خبري آژانس
ایران په یمن کې حوثي یاغیان هڅولي چې له سعودي عربستان سره مذاکرات پيل کړي.
د راپورونو له مخې د ایران د بهرنیو چارو وزیر د حوثي یاغیانو له لوړپوړي مرکچي سره کتلي دي او له نوموړي یې غوښتي چې جګړې کمې کړي او له سعودي عربستان سره مذاکراتو ته کېني.
دده په خبره د یمن جګړه یوازې د خبرو له لارې ختمېږي او حوثیان باید پر دې خبره باوري وي.
حوثیانو هم ویلي چې دوی به له سعودي عربستان سره مذاکراتو ته ادامه ورکوي او د ایران له مرستو یې هم مننه کړې ده.
په یمن کې د سعودي عربستان پر وړاندې د حوثیانو په وسیله نیابتي جګړه روانه وه، خو اوس عربستان له ایران سره د اړیکو جوړولو په لټه کې دی چې ښايي دغه ډول اقدامات یې لومړنۍ مقدمې وي.
