رویداد خبري آژانس په افغانستان کې لومړنۍ دیجټلي خبري آژانس
د جنوبي وزيرستان په واڼه کې د پاکستاني ځواکونو پر امنيتي پوسته بېګاه شبه د (لړم په ۱۷مه) وسلهوال بريد شوی او په نتيجه کې يې پاکستاني ځواکونو ته درنه مرګ ژوبله اوښتې ده.
ځايي سرچينو رسنيو ته ويلي، چې بريد شاوخوا يوه بجه د واڼه اړوند په رغزۍ نومې پوستې پيل شو او د څو ساعتونو لپاره يې دوام وکړ.
په واڼه کې امنيتي سرچينو منلې، چې د بريد په ترڅ کې دوه پوليس وژل شوي او د پوستې اړوند ګڼ نور پوليس ټپيان دي. خو ځايي اوسېدونکي بيا په پوسته کې د وژل شوو پوليسو شمېر له دې زيات ښيي.
دې سرچيني ويلي، چې د نښتې په جريان کې د پاکستاني پوځيانو مرسته ورسېدلې او له هغې وروسته نښته مهار شوې ده. تر اوسه هېڅ کومې وسلهوالې ډلې په جنوبي وزيرستان کې د پاکستاني ځواکونو پر پوستې د بيګاني بريد مسووليت نه دی منلی.
له دې وړاندې هم پر پاکستاني ځواکونو ورته خونړي بريدونه شوي خو مسووليت يې کومې ډلې نه دی منلی. د وزيرستان په شمول په ګڼو قبايلي سيمو کې د تحريک طالبان پاکستان ډله فعاله ده او په دې سیمو کې وخت ناوخت پر پاکستان ځواکونو مرګوني بريدونه کوي.
