رویداد خبري آژانس په افغانستان کې لومړنۍ دیجټلي خبري آژانس
د امریکا د ملي امنیت شورا ویاند، جان کربي وايي، مسکو به په اوکراین کې پوځي عملیاتو ته زور ورکړي، خو په عین حال کې یې ډاډ څرګند کړی چې اوکراین به د روسیې هر راز نوې حملې په شا وتمبوي او شنډې به یې کړي.
جان کربي پرون واشنګټن کې یوې خبري غونډې ته وویل، دا امکان شته چې روسیه به په راتلونکو اوونیو کې د جګړې په ډګر کې نور پرمختګ هم وکړي، خو هغه زیاته کړه چې متحده ایالات د روسیې د عمده بریا اټکل نه شي کولای.
د کربي په وینا چې د وخت په تېرېدو سره به د امریکا مرستې اوکراین ته دا ځواک ورکړي چې د ۲۰۲۴ کال په اوږدو کې د دې حملو پر وړاندې ودرېږي.
