رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي چې په تېرو ۲۴ ساعتونو کې د هېواد په لابراتوارونو کې د کرونا ویروس ۴۵۳ مثبتې پېښې ثبت شوي دي.
دغه وزارت وایي چې په تېره یوه شپه او ورځ کې د کرونا ۱۰ ناروغان مړه شوي او ۴۱۱ ناروغان بېرته رغېدلي دي.
د یادو مثبتو پېښو په ثبت سره په افغانستان د کرونا ټول ټال مثبتو پېښو شمېر ۶۴۵۷۵ ته ورسېد، چې له ډلې یې ۵۵۵۲۹ کسان بېرته رغېدلي او ۲۷۷۲ کسان مړه شوي دي.
د افغانستان عامې روغتیا وزارت د کرونا درېیمه څپه تر لومړۍ او دویمې هغې خطرناکه بللې او ټینګار یې کړی چې دغه څپه ښايی ډېره مړینه ولري.
د یاد وزارت مسوولینو دغه راز له ټولو غوښتي چې روغتیایي سپارښتنې په پام کې ونیسي او ماسک وکاروي.
