رویداد خبري آژانس په افغانستان کې لومړنۍ دیجټلي خبري آژانس
د صنعت او سوداګرۍ وزارت وايي، په تېرو ۱۱ میاشتو کې د افغانستان او قزاقستان ترمنځ د څه باندې ۴۳۰ میلیونه ډالرو په ارزښت سوداګریزه راکړه ورکړه شوې ده.
د صنعت او سوداګرۍ وزارت ویاند اخندزاده عبدالسلام جواد په دې اړه ویلي دي چې له دې جملې ۴۵ میلیونه ډالر یې صادرات تشکیلوي.
د صنعت او سوداګرۍ وزارت د معلوماتو له مخې، له افغانستان څخه قزاقستان ته تر ټولو زیات صادر شوي توکي د مېوو جوس، غیر الکولي مشروبات، ممیز، سبزیجات، شیرین بویه، پیاز، دیګ بخار او انګور دي او له دغه هېواد څخه تر ټولو زیات واردېدونکي توکي اوړه، وسپنه، زغر، د صنعتي کارخونو لپاره خام توکي، کیمیاوي سره او نفت دي.
