رویداد خبري آژانس په افغانستان کې لومړنۍ دیجټلي خبري آژانس
ترکيې حکومت د عصمتالله خالوزي شتمني چې د امريکا متحده ايالاتو له لوري په ۲۰۲۱ زېږديز کال کې د داعش له خراسان څانګې سره پر مالي همکارۍ تورن شوی، کنګل کړه.
د نوموړي د شتمنۍ کنګل کېدو حکم چې ولسمشر طيب اردوغان ورکړی، پرون چهارشنبه د (وري په ۳مه) د ترکيې په رسمي جرېده کې خپور شوی دی.
په جرېده کې ويل شوي، چې د ترکيې حکومت دا پرېکړه د ملګرو ملتونو د ۱۳۷۳ نمبر پرېکړهليک پر بنسټ کړې. د ترکيې په رسمي جرېده کې ويل شوي چې د عصمتالله خالوزي د داعش خراسان څانګې ته د مالي مرستو د لېږدولو ترڅنګ، يادې ډلې ته د جنګياليو په جذب او دغه راز انساني قاچاق کې هم لاس درلود.
خالوزی له دوو کلونو راهيسې په ترکيې کې د پيسو د حوالې کاروبار کوي او د امريکا د خزانې وزارت د مالوماتو له مخې، د همدې حوالې سيسټم پر بنسټ د داعش خراسان څانګې ته مالي مرستې لېږدوي.
