رویداد خبري آژانس په افغانستان کې لومړنۍ دیجټلي خبري آژانس
د افغانستان د برښنا شرکت اعلان کړی چې افغانستان ته د ازبکستان وارداتي برښنا د تخنیکي ستونزو له امله ۵۰ سلنه کمه شوې ده.
یاد شرکت په خپله اېکس پاڼه لیکلي چې پرون دوشنې د سلواغې ۳۰مه وارداتي برښنا کمه شوې ده.
د برښنا شرکت ویلي چې له همدې امله د کابل د سب سټیشنونو سربېره د خلم او خنجانو، سمنګان، پروان، کاپیسا، پنجشیر، ننګرهار، لغمان، غزني، وردګ، لوګر، پکتیا او خوست کې د برښنا پرچاوۍ زیاتې شوې دي.
خو د برښنا شرکت نه دي ویلي چې یادې تخنیکي ستونزې به څه وخت حل شي.
د ویلو ده چې افغانستان خپل د اړتیا وړ برښنا له ګاونډي هېوادونو ایران، ازبکستان او ترکمنستان څخه ترلاسه کوي.
