رویداد خبري آژانس په افغانستان کې لومړنۍ دیجټلي خبري آژانس
د بیلاروس په پایتخت منسک کې شاوخوا سلو زرو کسانو د جمهور رئیس الکزاندر لوکاشنکو په خلاف مظاهرې کړیدي.
په بیلاروس کې د اګست د میاشتې راپدیخوا چې د جمهوري ریاست انتخابات شوي، خلک د جمهور رئیس په خلاف مظاهرې کوي خو نن د یکشنبې په ورځ، سپټمبر ۱۳ (وږي۲۳) لومړی ځل و چې دومره ډیر شمیر کسان د پایتخت لارو کوڅو ته د ښاغلي لوکاشنکو په خلاف راووتل.
جمهور رئیس الکزاندر لوکاشنکو ادعا کوي چې د جمهوري ریاست انتخابات یې ګټلي دي خو مخالفین وایي چې په انتخاباتو کې ټګي برګي شویده.
خو جمهور رئیس په انتخاباتو کې ټګي نه مني او وایي چې دا مظاهرې د بهرنیو په لمسون کیږي.
لوکاشنکو ۲۶ کاله کیږي چې د بیلاروس جمهور رئیس دی. هغه خپل سیاسي مخالین یا بندیان کړي او یا یې هیواد پریښی او په نورو هیوادونو کې یې پنا اخیستې.
مسکو ویلي چې د سلواک ورورګلوۍ د ګډو نظامي تمریناتو لپاره چمتو دی چې دې هیواد ته عسکر واستوي.
