رویداد خبري آژانس په افغانستان کې لومړنۍ دیجټلي خبري آژانس
بهرنيو ځواکونو په کندهار ولایت کې هوايي بريد کړی او ۲۰ طالبان يې وژلي دي.
د کندهار امنیه قوماندان تادین خان ويلي ياد برید تیره شپه د تخته پل ولسوالۍ په سيمه کې شوی دی.
تادين خان ويلي د وژل شویو په ډله کې ډیر یې پاکستانیان دي.
نوموړي ويلي بهرنيو ځواکونو وروسته له هغې پر وسله والو طالبانو هوايي بريد وکړ چې غوښتل يې په مليد نومي پوسته بريد وکړي.
په کابل کې د غوڅ ملاتړ ماموریت او طالبانو تر اوسه په دې اړه څه نه دي ويلي.
