د پاکستان پوځ خبر ورکړی چې په بلوچستان ايالت کې د وسلهوالو له لوري په يوه کمين کې يې ۵تنه پوځيان وژل شوي دي.
د پوځ له لوري د جمعې په ورځ ناوخت د (چنګاښ په ۴مه) خپره شوې خبرپاڼه کې ويل شوي، که څه هم بريد کوونکي لا نه دي پېژندل شوي خو پرون ماښام يې د بلوچستان په سانګن سيمه کې پر پوځيانو ډزې وکړې.
په خبرپاڼه کې دا نه دي ويل شوي چې د ياد کمين په ترڅ کې څو تنه نور پوځيان ټپيان شوي دي.
په بلوچستان کې ډېر کله پر پاکستاني پوځيانو مرګوني بريدونه کېږي او د يادو بريدونو پړه په سيمه کې د بلوڅ بېلتون غوښتونکو ډله په غاړه اخلي.