رویداد خبري آژانس په افغانستان کې لومړنۍ دیجټلي خبري آژانس
بلاروس حکومت په دې هېواد کې د فرانسې سفير ته د نن دوشنبې تر ورځې مهلت ورکړی و څو له بلاروس ووځي او بېرته خپل هېواد ته ورستون شي.
چارواکو د دغه کار لامل د فرانسې سفير له لوري، د وبلاروس ولسمشر الکسانډر لوکاشينکا ته د خپلې اعتبارنامې نه وړاندې کول بللي دي. دوی زياته کړې چې له دې ډيپلوماټيک اصل پرته په بلاروس کې د فرانسې سفير پاتې کېدل د نورمونو خلاف عمل دی.
د بلاروس بهرنيو چارو وزارت نن دوشنبه د (تلې په ۲۶مه) تائيد کړې چې د فرانسې سفير نېکولا دلاکوست پرون د يکشنبې په ورځ له بلاروس وتلی دی.
فرانسې تر اوسه له بلاروس د خپل سفير د شړل کېدو په اړه څه نه دي ويلي. امريکا او اروپايي ټولنه په بلاروس کې د تېر کال ولسمشريزې ټاکنې نه مني او دا باور لري چې ولسمشر لوکاشينکا د ځان په ګټه ترسيم کړې وې.
